EXCLUSIVE: Alden Richards, emosyonal nang kinukunan ang music video ng 'I Will Be Here'

Iba’t ibang emosyon ang naramdaman ni Pambansang Bae Alden Richards noong kinukunan ang music video ng kanyang pinakabagong single na “I Will Be Here.”

“I was very emotional,” pag-amin ng aktor na sinabing, “This music video, [there’s] pain, there’s joy, [and] there’s so much love.”

Maraming alaala patungkol sa kanyang pamilya ang bumaha sa kanyang isipan sa shoot, “The message is parang I’m here for this person, group of people [at] para sa mga taong ito sa ating society.”

Dagdag pa niya “I just want to be real, the truth behind life. It’s a certain reality that we’re not really aware of. Minsan kasi, when realities are too painful to see or to encounter in real life, you tend to look away from it eh.”

Nais din daw ihatid ng actor-recording artist ang mensahe ng kanta sa mga makikinig at manonood ng music video nito, “When I do songs, there are certain messages that are inside the song. Through the music video, I want them to understand the message clearly.”

Sinisiguro ng aktor na marami ang makaka-relate sa kanyang music video, “[There’s] so much heart to it, and I think everybody from all walks of life can relate. I see to it na simple lang siya, but relatable. I think that’s what the viewers of music videos want to get from watching, ‘yung relatability.”

Excited na si Alden na mapakinggan ng mga tao ang kanyang sariling cover ng "I Will Be Here" at mapanood ang music video nito, kwento niya sa ekslusibong panayam ng GMANetwork.com.

Ini-release na ngayong araw ang pasilip ng “I Will Be Here” na available nang i-pre-order hanggang June 30 sa iTunes at ipapalabas naman sa digital stores sa Hulyo.

READ: Bagong single ni Alden Richards na "I Will Be Here," maaari nang i-pre-order