Bb. Joyce Bernal, hindi nagpabayad sa pag-direk ng SONA, ayon kay Robin Padilla

Nilinaw ni action star Robin Padilla na kilalang taga-suporta ni Pangulong Rodrigo Duterte na hindi raw nagpapabayad si Bb. Joyce Bernal sa pagdi-direk ng State of the Nation Address (SONA) 2018 bukas, July 23.

“Kapag para sa INANG BAYAN, hindi ka dapat BINABAYARAN!!!” ani ng Bad Boy of Philippine Cinema na pinuri si Bb. Joyce, “Malalim na pagpupugay sa iyo. Isa kang halimbawa at ilaw sa lahat sa aming nasa industriya at rebolusyon! Mabuhay ka at ang ating panata!”

Ibinahagi pa ng aktor ang ika-14 na bilang sa Kartilya ng Katipunan, "When these teachings shall have been propagated and the glorious sun of freedom begins to shine on these poor islands to enlighten a united race and people, then all the loves lost, all the struggle and sacrifices shall not have been in vain."

Sumaludo naman sina Mariel Rodriguez, Angel Locsin, Rommel Padilla, pati na ang ilang netizens sa post ni Robin at kay Bb. Joyce Bernal.