WATCH: Erwan Heussaff, nagsalita tungkol sa kontrobersyal na 'Buhay Carinderia' project

Nagbigay na ng opisyal na pahayag si Erwan Heussaff tungkol sa kanyang pagkakadawit sa kontrobersyal na Buhay Carinderia Project.

Ang Buhay Carinderia Project under Tourism Promotions Board ay dating pinamumunuan ni Cesar Montano. Ito ay naging parte ng diskusyon sa senado dahil ang proyektong ito na nagkakahalagang mahigit 300 million pesos ay hindi umano dumaan sa regular bidding process.

Nadawit ang pangalan ni Erwan dahil siya ay ang napiling content creator ng proyekto.

Sa ulat ni Nelson Canlas sa 24 Oras ay nagbigay ng pahayag si Erwan tungkol sa nasabing proyekto. Anang celebrity chef, "I'm completely out of the picture there. It didn't happen for me."

Naka-focus na umano si Erwan sa kanyang sariling YouTube channel at naka-move on na sa pagkakadawit sa kontrobersiya ng Buhay Carinderia project.

"I basically started focusing on producing my own content and I had nothing to do with it. Moved on completely."