EXCLUSIVE: Kylie Padilla, natuwa sa wedding vow ni Aljur Abrenica para sa kanya

Hindi maitanggi ni Kylie Padilla ang kanyang saya lalo na at ganap na silang mag-asawa ng kanyang longtime boyfriend na si Aljur Abrenica. Aniya, iba rin ang kanyang kaligayahan dahil sa ipinahayag ng kanyang mister sa kanilang wedding vows.

Sa exclusive interview ng GMANetwork.com, ibinahagi ni Kylie ang binitiwan nilang pangako ni Aljur sa isa't isa sa harap ng altar. Aniya, mahalaga sa kanyang mapanatiling buo ang kanilang pamilya at ito raw ang gusto niyang ipaglaban nila.

Sambit ni Kylie, “Sa vow kasi sabi ko, 'Gusto ko alagaan natin 'to kahit maging tayo, kahit ano'ng mangyari, kahit magkaaway tayo. Aayusin natin whatever happens kasi 'yun naman talaga 'yung heart of marriage.”

“It's not going to be easy. 'Yung 'happily ever after' na sinasabi is not real. On the day, it is 'di ba but until you get old, we'll be together forever, nakakatakot 'yun ah. But 'yun ang sinabi ko sa kanya, 'Aalagaan natin whatever happens,'” patuloy ng aktres.

Hindi man niya inasahan, ikinatuwa naman ni Kylie ang ipinangako sa kanya ni Aljur.

Wika niya, “Sinabi niya na 'wag kong kakalimutan 'yung sarili ko and that was a big thing for me. It's very important to me na naisip niya 'yun. Kasi as a woman you're supposed to submit, right?Pero he gave me that, you know, 'Don't forget yourself' which is 'di ba, thank you for thinking of me. Hindi siya 'yung all-in, puro babae ang magsa-submit. He's giving me the chance to be myself pa rin. I appreciate it.”