Christian Bautista to Julie Anne San Jose: 'You are leading the pack [of singers] na [in GMA]'
Isa si Asia's Pop Sweetheart Julie Anne San Jose sa kilalang Kapuso singers ngayon. Sa katunayan, umabot na sa 15 million views ang cover niya ng kantang "Your Song" ng Parokya ni Edgar.
Sa press conference ng Kapuso concert na The Sweetheart and The Balladeer: Fun Night Only, hindi naitago ni Christian Bautista ang kanyang paghanga kay Julie Anne matapos kumustahin kung gaano kagaang katrabaho ang Kapuso female singer.
Inalala ni Christian ang latest performance ni Julie Anne sa musical variety show na Studio 7. Aniya, "Sa Studio 7, all the girls look up to her. Remember that last taping na you did a Beyonce dance? You should have seen all the young girls at the back nakatingin sa TV screen na talagang [napasabing] 'Wow I wanna be like Julie.'"
"So you are really leading the pack na for the channel. Pak na pak ka na talaga," saad ni Christian kay Julie Anne.
Very talented daw talaga ang Asia's Pop Sweetheart kaya naman hindi raw nahihirapan si Christian na katrabaho si Julie Anne. "I get that from her, that drive, that awesomeness," paliwanag niya.
Mapapanood sina Christian at Julie Anne sa The Sweetheart and the Balladeer: Fun Night Only concert kasama ang comedic duo nina Donita Nose at Tekla sa January 27 sa Iloilo at February 10 sa Cagayan de Oro.