WATCH: Marian Rivera, trabaho pa rin kahit malaki na ang baby bump

Tuloy-tuloy pa rin ang guestings ni Marian Rivera kahit malaki na ang kanyang baby bump.

Bukod sa Sunday PinaSaya, bibisita si Marian sa The Boobay and Tekla Show sa susunod na buwan dahil ipinangako niya ito sa kanyang best friend na si Boobay.

“Gusto ko talaga na suportahan siya [Boobay] at sobrang proud of ako sa kanya kasi sabi ko nga, overdue na 'to dapat matagal na siyang nabigyan ng ganitong show,” ani Marian.

Inamin ni Marian na dahil nagdadalang-tao siya, mag-iiba ang pagse-celebrate nila ng Valentine's Day ngayong taon.

“This time ayaw namin makisabay so magluluto lang ako sa bahay at ang maganda niyan, magde-date kami, hindi lang kaming dalawa, with Zia and with this little boy.”

Panoorin ang buong report ni Aubrey Carampel para sa 24 Oras sa video na ito: