Carla Abellana, umaasang magkakaroon sila ng reunion project ni Tom Rodriguez

Open daw si Kapuso actress Carla Abellana na magkaroon ng reunion project sa kanyang nobyo at kapwa Kapuso star na si Tom Rodriguez.

Huli silang nagsama sa teleseryeng I Heart Davao noong 2017.

Carla Abellana and Tom Rodriguez to spend Valentine's Day in Japan

"Naririning naman namin 'yung requests nila (fans). Tingnan natin this year kasi kung hindi mabigyan ng chance for TV, pwede namang movie," pahayag ni Carla.

Ayon sa kanya, game rin daw si Tom sa ideyang ito.

"Kami ni Tom, lagi naman naming sinasabi na gusto talaga naming mag-work ulit, magkasama kami ulit sa isang project whether for TV or for films. Gusto namin, at willing kami," kuwento ng aktres.

"Anytime ready kami basta maganda 'yung material tapos magkasama ulti kaming magtatrabaho. Gustong-gusto namin 'yun. Sana talaga meron," dagdag pa niya.

Pumirma kamakailan si Carla ng renewal ng kanyang exclusive contract sa GMA Network.

Carla Abellana cries tears of joy as she renews ties with GMA Network

Samantala, nakatakda namang mapanood si Tom sa upcoming teleserye ng GMA na Dragon Lady.