READ: Glaiza de Castro on being awarded as best actress: 'Malaking inspirasyon'

Pinasalamatan ni Kapuso actress Glaiza de Castro ang kaniyang mga kasamahan sa industriya matapos niyang maiuwi ang Best Actress award sa katatapos lamang na 3rd Guild of Educators, Mentors, and Students HIYAS Awards.

Nanalo si Glaiza para sa 2018 Cinemalaya movie na 'Liway,' kung saan ginampanan niya ang karakter ni Commander Liway.

READ: Glaiza at iba pang Kapuso celebrities, wagi sa 3rd GEMS award

Sa kaniyang post sa Instagram, sinabi ni Glaiza na hindi sila gumagawa ng pelikula para sa award.

"Sabi namin ni Direk @kipoebanda, hindi namin gagawin ito dahil sa awards," ani Glaiza.

"Pero para mabigyan po ng atensyon at pagpapahalaga, malaking inspirasyon po sa amin an gumawa ng mas makabuluhang proyekto at pagbutihan pa.

"Gusto ko rin magpasalamat sa @phcinema100 @cinema76fs @cinemalayaofficial sa patuloy na pag suporta sa mga pelikulang kagaya nito.

"Malaking bagay na may ibang avenue ang mga tao upang makapanood at makapagbigay halaga sa pelikulang Pilipino at sa mga producers, writers, directors at artista na maipahayag ang kani-kanilang storya sa pamamagitan niyo.

"To God be the glory!"

Congratulations, Glaiza!