Matapos ipalabas ang ilang Kapuso series, may mga karakter na sadyang tumatak sa puso at isipan ng mga manonood.
Kabilang na rito ang karakter ni Jillian Ward bilang si Trudis Liit na napanood noong 2010 sa GMA Network.
Balikan at kilalanin ang ilan pang mga karakter na labis na minahal ng mga Kapuso sa gallery na ito.
Gumanap si Alden Richards bilang si Yago, isang lalaking kailangang mamili sa pagitan ng pag-ibig at pamilya, sa 'Carmela: Ang Pinakamagandang Babae sa Mundong Ibabaw.'
Si Aljur Abrenica ang nagbigay buhay kay Almiro isang prinsipe na nasa ilalim ng isang sumpa sa 'The Last Prince.'
Isang babaeng isunumpa para maging awok tuwing gabi si Andrea Torres sa 'Ang Lihim ni Annasandra.'
Hindi malilimutan ng mga manonood ang malagong buhok ni Bea Binene bilang Alice sa 'Alice Bungisngis and her Wonder Walis.'
Isa si Madame Rocha sa mga 'di mabilang na karakter ni Michael V. Sandali niya itong binuhay muli para sa 20th anniversary special ng 'Bubble Gang.'
Si Dennis Trillo ang gumanap bilang si Gallian Magdalion, ang leader ng mga Zaido sa 'Zaido: Pulis Pangkalawakan.'
Nagbigay ng pag-asa si Dingdong Dantes sa isang post-apocalyptic na mundo bilang si Isaak Macalintal sa 'Genesis.'
Isang batikang sex therapist sa radyo ngunit isang single na manang sa tunay na buhay ang ginampanan ni Eugene Domingo sa huling installment ng SRO Cinemaserye na 'Hot Mama.'
Aliw na aliw ang mga manonood nang makita ang matikas na si Gardo Versoza bilang si Mother Lexi, ang bestfriend at confidante si Carding sa 'Dading.'
Mala-manika si Heart Evangelista habang naglalakbay sa pagitan ng mundo ng mga duwende at mundo ng mga tao sa fantaseryeng 'Dwarfina.'
Iniwan muna ni Janine Gutierrez ang kanyang glamorosang image para ganapan ang role ni Ikay sa 'More Than Words.'
Maraming nagnais lumipad kasama si Kylie Padilla bilang Ada sa 'Adarna.'
Gumanap si Louise delos Reyes bilang ang sirenang si Alona, pati na ang kakambal nitong tao na si Perlas, sa 'Kambal Sirena.'
Talagang hindi malilimutan si Primetime Queen Marian Rivera sa kaunaunahang epicserye sa Philippine television, ang 'Amaya.'
Bukod sa kanyang galing sa pag-awit, ipinakita din ni Regine Velasquez ang galing niya sa pagpapatawa bilang si Tonya sa 'I Heart You Pare.'
Tumatak sa mga manonood ang lahat ng mga Sang'gre sa 2016 'requel' ng iconic GMA telefantasya na 'Encantadia.' Pero sa apat, si Amihan (Kylie Padilla) ang pinakanami-miss ng mga Encantadiks dahil sa kanyang pagpanaw bago pa man matapos ang serye.
Maraming napatawa sina Michael V at Ogie Alcasid sa mga karakter nila sa mula sa Ang Spoiled skits sa 'Bubble Gang.'
Lumabas si Kapuso actress Andrea Torres bilang si Venus, isang femme fatale at ka-alyado ni Pepe (Dingdong Dantes) sa top rating GMA Telebabad series na 'Alyas Robin Hood.'
Maraming pinagdaanan si Sinag (Maine Mendoza) bago tinupad ng tadhana ang pangako nito sa kanila ni Benjie (Alden Richards) sa 'Destined To Be Yours.'
Marian Rivera
Noong 2007, napanood si Marian Rivera bilang bida sa Philippine television drama romance series na 'Marimar.'
Ang GMA series na ito ang naging tulay ng pag-iibigan nina Marian at Kapuso actor na si Dingdong Dantes.
Bago pa makilala bilang si Dra. Analyn sa 2022 medical drama series na 'Abot Kamay Na Pangarap,' nagsimula bilang Kapuso child star si Jillian Ward. Noong 2010, unang kinagiliwan at hinangaan ng mga manonood si Jillian sa kaniyang karakter sa drama series na 'Trudis Liit.'
Noong 2006, ipinalabas sa GMA Telebabad ang drama series na 'Bakekang.' Dito ay labis na minahal ng mga manonood sina Charming at Krystal, ang mga karakter na ginampanan nina Eunice Lagusad at Jolina Marie "Krystal" Reyes.