Abangan ang kakaibang kuwento ng pag-ibig sa 'The Haunted Wife'

Isang natatanging serye ang handog ng GMA Afternoon Prime na tiyak na lalong magpapainit sa inyong mga hapon.

Kinatatampukan ng ilan sa mga malalaking pangalan sa telebisyon, ang The Haunted Wife ay pinangungunahan nina Megan Young,Rayver Cruz, Kim Domingo, at Kris Bernal.

Sa unang pagkakataon magtatambal sina Ms. World 2013 Megan Young at Kapuso hearrthrob Rayver Cruz sa isang kakaibang drama sa telebisyon.

Lalo pang paiinitin ang inyong mga hapon ni Kim Domingo sa isang pagganap na tiyak na inyong aabangan.

Samantala, isa na namang bagong hamon at karakter ang bibigyang-buhay ni Kris Bernal na tiyak na kikiliti sa inyong imahinasyon at lalong magpapatingkad ng kanyang kakayahan sa pag-arte.

Kaya huwag palampasin ang isa na namang obra sa telebisyon na hatid ng GMA Network. Abangan ang The Haunted Wife soon on GMA Afternoon Prime.