Seasoned choreographer Geleen Eugenio thanks Dingdong Dantes for her first ever commercial

Paulit-ulit na pinasalamatan ng batikang choreographer na si Geleen Eugenio ang Kapuso Primetime King na si Dingdong Dantes para sa pagkakataong magsama sila bilang endorsers ng isang adult milk supplement brand.

Ito raw kasi ang kauna-unahang TV commercial ni Tita Geleen, at si Dingdong pa ang nakasama niya.

LOOK: Dingdong Dantes reunites with Abztract Dancers for TV campaign

"It's my very first commercial and I'm so touched kasi it's because of Dingdong.

“And I'm so proud and delighted to work with Dingdong again kasi bata pa lang 'yan, nag-i-start pa lang 'yan sa showbiz, nandyan na ako sa likod niya," kuwento niya sa ginanap na press launch para sa Ensure Gold with HMB noong Sabado, July 13.

"Nung nalaman ko na ako na, na through Dingdong, who was very thoughtful of me, naiyak talaga ako."

Ibinahagi naman ni Dingdong kung paano nila napag-usapan dati ni Tita Geleen ang pagsama sa isang TV commercial.

Aniya, "Three years ago, nung magsimula ako ng Ensure, after doing my first TVC with my father, immediately after lumabas ang TVC, I got a call from Tita Geleen.

“Sabi niya, 'Dong, alam mo ba, gumagamit talaga ako ng Ensure. Sana balang araw, makasama kita, magkaroon tayo ng something together with the brand.

“Imagine, three years later, ito kami at nasa entablado.

“It is an honor for me to share the stage with the legend, with my mentor."

Inalala din ng Kapuso actor ang dancer days niya bilang miyembro ng Abztract Dancers, at si Tita Geleen ang nagtuturo sa kanila.

"Pini-picture ko siya na gaya ng dati, natatakot kami kapag nandyan na si Geleen Eugenio kasi, siyempre, kami ang mga estudyante niya.

“Alam namin na terror, pero gusto lang niya na magawa namin nang tama ang choreography, gusto niyang maturo sa amin ang disiplina.

“Hindi nagbago ang disiplina niya pagdating sa pagsayaw, and it's very reflective in this TVC," saad niya.

Bukod sa endorsements, abala na rin si Dong sa paghahanda para sa kanyang upcoming role bilang si 'Big Boss' Captain Lucas Manalo sa Philippine adaptation ng Descendants of the Sun.

WATCH: Cast ng Philippine adaptation ng 'Descendants of the Sun,' sumabak na sa military training