Former 'Bubble Gang' cast members, sinuportahan si Michael V. sa premiere night ng 'Family History'

Hindi nakalimot at buo ang suporta ng mga dating katrabaho ni Michael V. sa Bubble Gang sa grand 'pink carpet' premiere night ng Family History kagabi, July 23 sa SM Megamall.

Isa sa celebrities na nagpunta sa big event na ito si Maureen Larrazabal na former Bubble Gang member, pero kasama pa rin ni Direk Michael sa sitcom na Pepito Manaloto: Ang Tunay Na Kuwento.

Sa exclusive interview ng GMANetwork.com, ikinuwento ng sexy comedienne na matagal na itong pangarap ng mabuti niyang kaibigan na si Bitoy.

Ani Maureen, “Finally natupad na yung pangarap niya and I'm very-very happy kasi siguro mga 15 or less than 20 years na kami together and since we started, ito talaga 'yung gusto niyang gawin. Passion niya talaga 'to kaya full support kami talaga sa kanya.”

LOOK: A-list celebs flock to the grand premiere night of 'Family History'

Dumating din sa premiere night ng pelikula sina Wendell Ramos at Diana Zubiri.

Todo rin ang pag-promote sa social media ng best friend ni Bitoy at dating Kapuso star na si Ogie Alcasid para sa first-full length film ni Michael V.

Samantala, bilib na bilib sa napanood niya kagabi sa premiere night ang Bubble Gang mainstay na si Boy 2 Quizon.

Sa post niya sa Instagram Story, sinabi niya na “iba talaga” ang isang Michael V.

Showing in more than 170 cinemas nationwide ang Family History simula ngayong araw, July 24!