Joey de Leon, ikinuwento kung saan nanggaling ang pangalan ng 'Eat Bulaga'

Kakaiba ang naging opening ng Eat Bulaga ngayong araw (July 30). Ngayong kasi ipnagdiriwang ng longest running noontime show ang kanilang ika 40th anniversary.

Nagkuwento ang mga haligi ng Eat Bulaga na sina Tito Sotto, Vic Sotto at Joey de Leon (TVJ) tungkol sa kanilang pinagdaanan sa show.

LOOK: Eat Bulaga, full-force sa barangay sa pagdiriwang ng 40th anniversary

Isa na dito ay kung saan nga ba nagsimula ang pangalan ng kanilang programa.

"Nasa kusina ako nina Tito noong naisip ko 'yung pangalan" kuwento ng nag-iisang Henyo Master.

"Tapos 'yung kusinero nila nandun siya. Ang pangalan niya Jesus" dagdag pa ni Joey. Kaya raw naisip niya na divine intervention ito at gamitin ang "Eat" bilang pananghalian ang kanilang show at "Bulaga" dahil sa sikat na laro ng mga bata noon ang "It...Bulaga."

Ito rin ang naging basehan ni Joey sa paggawa ng kanilang unang slogan na "Habang May Bata, May Eat Bulaga."

At tila nagkatotoo nga ito dahil hanggang ngayon ay namamayagpag pa rin sa ating pananghalian ang Eat Bulaga.

Happy 40th anniversary, Dabarkads!