WATCH: Heart Evangelista, naiyak sa foreword na isinulat ni Kevin Kwan sa kanyang bagong libro

Ikinatuwa ni Queen of Creative Collaborations Heart Evangelista na ibahagi ang kanyang bagong libro na “Styled with Heart” sa naganap na Manila International Book Fair kahapon, September 15.

Sa SMX Convention Center, buong galak na pinirmahan ni Heart ang mga kopya ng kanyang libro para sa kanyang fans.

Ika ng StarStruck host, espesyal raw ang kanyang ikalawang libro dahil ito raw ay naglalaman ng kanyang style evolution at secrets to nailing the perfect OOTD.

Pero mas naging espesyal ito dahil ang foreword ay isinulat ng kanyang kaibigan na si Kevin Kwan -- ang best-selling author ng “Crazy Rich Asians” series.

Bahagi ng Kapuso actress kay Aubrey Carampel, “When I told him [about the foreword], I said 'Don't worry, it's okay! Just five sentences or three sentences is actually enough.'

“And then he wrote such a long foreword and super naiyak ako.”

JUST IN: Heart Evangelista launches 'Styled with Heart' book

Maliban sa mga tips, marami rin daw pictures na makikita sa loob ng libro tulad ng kanyang favorite OOTDs, shoes, bags, at accessories.

Pero payo ni Heart, wala raw sa mamahaling gamit ang pagkakaroon ng style.

“If you feel good about yourself about what you wear, then you will automatically look good,” pagtapos nito.

Panoorin ang buong chika ni Aubrey Carampel:

IN PHOTOS: Heart Evangelista dazzles at the launch of 'Styled with Heart'