WATCH: Martin del Rosario, inuwi ang kanyang first Best Actor Award mula sa ika-3 Pista ng Pelikulang Pilipino
Overwhelmed si Kapuso actor Martin del Rosario nang iuwi ang kanyang kauna-unahang Best Actor Award mula sa ika-3 Pista ng Pelikulang Pilipino kahapon, September 15.
Ginawaran si Martin sa kanyang pagganap bilang si Daniel o “Dani,” ang sweetest Panti sibling, sa pelikulang The Panti Sisters.
Sa kanyang Instagram, pinasalamatan ng aktor ang kanyang direktor pati ang co-actors niya na sina Paolo Ballesteros at Christian Bables.
Aniya, “Thank you sa Pista ng Pelikulang Pilipino for this best actor award.
“Para ito sa lahat ng bumubuo ng The Panti Sisters especially to my beautiful Panti Sisters @pochoy_29 @christiaaan06 THIS IS OURS! congrats sa atin!
“Thank you @junrobleslana and @percinotpercy sa walang sawang tiwala️””
Maliban sa Best Actor Award, ginantimpalaan rin ang The Panti Sisters ng Best Production Design at Audience Choice Award.
Ang LSS naman na pinagbibidahan nina Gabbi Garcia at Khalil Ramos ang big winner ng nasabing awards night dahil ito ay nag-uwi ng 5 awards kasama ang Special Jury Prize.
Mapapanood pa rin ang The Panti Sisters at LSS sa mga sinehan hanggang September 19.
Panoorin ang buong chika ni Lhar Santiago:
Martin del Rosario is best actor of Pista ng Pelikulang Pilipino 2019