WATCH: 'Kiko En Lala' mapapanood na!

Mapapanood na simula ngayong araw, September 25, ang pelikula ni Kapuso comedian Super Tekla na Kiko En Lala.

Aminadong halu-halo ang nararamdamang emosyon ng lead actor ng pelikula sa naganap na premiere night nito kahapon.

“Sobrang excited, happy, at saka kinakabahan.

"Halu-halong emosyon ang nararamdaman ko ngayon 'tapos nangangalog pa 'yung tuhod ko sa sobrang kaba.

“Siyempre first movie ko ito, sobrang thankful ako dahil grabe ang sobrang blessings na natatanggap ko.

“Nagpapasalamat ako sa GMA, ang aking tahanan, sa pagtitiwala sa aking talento at mabigyan ako ng pagkakataon at pambihirang blessings tulad nito,” pahayag ni Tekla sa naganap na live interview sa 24 Oras.

Ang Kiko En Lala ang kauna-unahang pelikula ni Super Tekla under Backyard Productions. Makakasama niya rito ang ilan pang Kapuso stars tulad nina Derrick Monasterio, Kim Domingo, Kiray Celis, Divine Tetay, Jo Berry, at Aiai Delas Alas.

Pelikula ni Tekla na 'Kiko en Lala,' mapapanood na sa sinehan simula September 25

Super Tekla showcases comedic prowess in Backyard Productions's 'Kiko En Lala'