Aiai Delas Alas fangirls over Park Seo Joon

Dreams do come true para sa happy fangirl na si Aiai Delas Alas dahil natupad ang pangarap niyang makita ang kanyang Korean idol na si Park Seo Joon.

Si Park Seo Joon ang bidang aktor sa Korean drama series na Fight For My Way, na ipinalabas sa GMA Network noong 2018.

Dumalo si Aiai sa fan meeting ni Park Seo Joon na ginanap sa Mall of Asia Arena nitong nakaraang September 29, 2019.

Kuwento ni Aiai sa kaniyang mga posts, “Ang kaligayahang mahirap bayaran ng kahit magkano haha.”

“Ayiiiiiiiiiiiii ... nakapanghihina sya--pero masaya ang mga oppa fans --- para sa mga followers ko na hindi nakapunta kagaya ng pangako ko labyu guys eto na ang idol naten ️ saranghe PSJ.”

Nakaakyat din ang Sunday PinaSaya star sa stage at nakausap ang program host na si Sam Oh bago ang paglabas ng Korean star.

Kasama ni Aiai ang kaniyang anak na si Sophia at nagkaroon ang dalawa ng photo op kasama si Park Seo Joon.