Michelle Dee sees similarities between her and her 'Cara X Jagger' character

Kasama si Miss World Philippines 2019 Michelle Dee sa cast ng upcoming movie na Cara X Jagger.

Makakasama niya dito sina Jasmine Curtis-Smith at Ruru Madrid na gaganap sa title roles.

Si Michelle naman ang gaganap sa karakter na si Madz.

"Si Madz, close sila ni [Jagger]--sobrang matalik silang magkaibigan.

"You can consider them the perfect match, actually. Mahilig silang mag-motor. They both are very driven and confident," pahayag ni Michelle sa press conference ng Cara X Jagger.

Nakikita din daw niya ang ilang bahagi ng kanyang sarili sa kanyang karakter.

"Si Madz naman as a person, she knows what she wants and when she wants something she won't stop to get it.

"That's something that I share as Michelle. When I'm driven, when I'm motivated, I'll do whatever it takes to get that prize," aniya.

Sa Cara X Jagger, gaganap si Ruru bilang Jagger, ang binatang nawalan ng mga alaala dahil sa aksidente. Samantala, si Jasmine naman ay si Cara, dati niyang nobya na nakakaalala ng lahat.

Sa pakiusap ng pamilya ng binata, babalik si Cara sa buhay ni Jagger para tulungan itong maibalik ang kanyang mga alaala.

Bukod kina Ruru, Jasmine at Michelle, tampok din sa pelikula sina Sophie Albert, Gabby Padilla, Kenneth Medrano, Dante Rivero, Dino Pastrano, at Miko Raval.

Mapapanood ang Cara X Jagger simula November 6 sa mga sinehan nationwide.