Vic Sotto, hanga sa pagganap ni Maine Mendoza sa 'Mission Unstapabol: The Don Identity'
Bilib si Bossing Vic Sotto kung paano ginampanan ng kanyang 'Eat Bulaga' co-host na si Maine Mendoza ang karakter nito sa MMFF entry nilang Mission Unstapabol: The Don Identity.
Kahit na may pagka-comedy ang tema ng pelikula, isang seryosong karakter naman na ginagampanan ni Maine rito.
"Ibang klaseng Maine ang makikita nila rito kasi hindi siya rom-com, hindi siya fantasy, ibang klase 'yung karakter niya," pagmamalaki ni Bossing.
Kinuwento rin ni Bossing, isang taon nilang binuo ang konsepto ng 'Mission Unstapabol: The Don Identity.'
"After 'yung huling festival, sinimulan na namin magplano, mag-isip ng ibang konsepto, naiiba doon sa nakaraan naming nagawa," pag-amin ni Vic.
Makakasama nina Vic at Maine ang pelikula sina Jose Manalo, Wally Bayola, Pokwang, at marami pang iba.
Mapanonood na simula ngayong December 25 ang Mission Unstapabol: The Don Identity sa mga sinehan sa buong bansa.
'Mission Unstapabol' actress Pokwang, di napigilan ang galit sa komentong "cheap comedy"