WATCH: Bagong single ng SB19 na 'Alab,' umabot na sa mahigit 800k views!

Hindi pa rin makapaniwala ang Pinoy boy group na SB19 na nakapasok sila sa Billboard's Social 50 List.

Ang Korean-inspired na grupong kinabibilangan nina Sejun, Josh, Stell, Ken, at Justin ang kaunaunahang nakapasok sa popularity chart ng mga aktibong musical artists sa social media.

Nitong unang linggo ng Enero, umusad na ang SB19 mula sa 28th spot hanggang sa 19th spot.

"Hindi rin po namin in-expect na ganun ka-grabe 'yung mangyayari sa 'min na kami ang first Filipino na nakapasok sa list. We're thankful kasi hindi po ito mangyayari kung 'di dahil sa fans namin, sa A'TIN, kasi they're very active sa social media.

Ang bagong launch na danceable hugot song ng SB19 na “Alab,” umabot na rin ng mahigit 800,000 views sa YouTube.

Balak na rin daw sundan ng SB19 ang kanilang first solo concert noong 2019 na nag-sold-out within 3 minutes.

Panoorin ang ulat ni Nelson Canlas sa 24 Oras: