WATCH: Thea Tolentino, bakit kaya nag-beast mode?

Kamakailan ay in-upload sa Facebook ang video ni Kapuso actress Thea Tolentino na sumisigaw at tila gigil na gigil sa galit. Nag-react pa nga ang aktor na si Buboy Villar sa video ni Thea:

Para pala ito sa pagsasadula ng tampok na kuwento sa unang episode ng Ilaban Natin 'Yan, kung saan makakasama ni Thea sina Anjo Damiles, Faye Lorenzo, at Jaclyn Jose.

Ang unang kuwento na tampok ay tungkol sa manugang at biyenan na nagkapikunan nang dahil sa utang. Si Cannes Film Festival Best Actress Jaclyn Jose ang gaganap bilang biyenan na 'di makabayad ng utang, si Anjo naman ang gaganap na anak ni Jaclyn, at si Thea ang asawa ni Anjo.

Layunin ng programang Ilaban Natin 'Yan na isadula, talakayin, at solusyonan ang mga problemang idudulog sa kanila, sa pamamagitan ng kanilang Palaban Express, isang modern jeep na lilibot sa iba't ibang barangay.

Si Vicky Morales naman ang magiging host ng programa at makikilala bilang Ate ng Bayan.

Abangan ang Ilaban Natin 'Yan ngayong Pebrero 22 sa GMA-7.