Thea Tolentino, minsan nang napasabi ng 'Ilaban Natin 'Yan!'

Kilala si Kapuso actress Thea Tolentino bilang isang mahusay na kontrabida sa telebisyon. Pero tulad ng mga bida sa teleserye, may mga pinagdaanan din siyang pagsubok sa buhay.

Ibinahagi ni Thea na noong nakaraang taon ay napasabi siya ng “Ilaban Natin 'Yan!” nang maramdaman niya ang bigat ng pagiging breadwinner.

“Siyempre, bilang ako 'yung breadwinner, ang dami talagang kailangang i-sacrifice kasi nag-aaral din ako bukod sa nagtatrabaho. Napasabi talaga ako ng 'Ilaban (Natin) 'Yan!' kasi worth it naman ang magiging laban kapag natapos na ang lahat.”

At bukod sa laban na hinarap ni Thea sa tunay na buhay, napalaban din siya sa aktingan sa kanyang pagganap sa unang episode ng Ilaban Natin 'Yan. Makakasama niya rito sina Kapuso actor Anjo Damiles, Faye Lorenzo, at Cannes Film Festival Best Actress Jaclyn Jose.

Ipapalabas na ang Ilaban Natin 'Yan ngayong Pebrero 22 sa GMA-7.