Heart Evangelista, magdo-donate ng kahon-kahong face masks sa Sorsogon

Magdo-donate si Heart Evangelista ng kahun-kahong face masks sa Sorsogon, ang hometown ng kanyang asawang si Gov. Chiz Escudero, bilang proteksyon sa paglaganap ng coronavirus disease 2019.

Sa Twitter, ipinost ng Kapuso actress ang larawan ng bagong batches ng face masks na kanilang ipamamahagi ng kanyang asawa sa probinsya.

Sabi ni Heart, "Doing what we can at home...next batch of face masks for my loved ones in Sorsogon."

Dagdag pa niya, "For more updates follow @SayChiz."

Nagbigay din ng update si Governor Chiz tungkol dito. Ayon sa kanyang tweet, regular na nakakatanggap ng face masks ang Rural Health Units sa Sorsogon kada linggo.

Kaugnay dito, makakatanggap din ng washable face masks ang limang libong barangay health workers doon sa susunod na linggo.

Aniya, "Distributed face masks to all the frontliners of all the RHU's of the Province. Will regularly provide them their weekly supply until the end of the ECQ. Will also distribute washable face masks to all the 5K BHW's of the Province by next week."

Bukod sa pagdo-donate ng face masks, nagiging takbuhan din si Heart ng mga nangangailangan.

Isang netizen na may Twitter handle na @Joe2023453564 ang tinugunan niya ng tulong sa pamamagitan ng pagbibigay ng grocery items dito.

Sambit ng Twitter user, "Made possible with a big heart Ma'am @heart021485. super grateful."

TINGNAN: Pinoy celebrities, pinairal ang bayanihan sa gitna ng COVID-19