Willie Revillame, naghatid ng tulong sa Puerto Galera sa gitna ng COVID-19 crisis
Kahit na-lockdown sa Puerto Galera, hindi nagpapigil si Willie Revillame sa pagbibigay ng tulong ngayong panahong ng COVID-19 crisis.
Hindi makauwi sa Maynila si Willie Revillame at kanyang Wowowin staff bilang pagsunod sa enhanced community quarantine. Kasalukuyan silang tumutuloy sa kanyang pinagawang resort sa isla kaya't minabuti na rin ng Wowowin host na magbigay ng donasyon sa mga nakapalibot na barangay rito.
Sa video ni Wilie, ibinalita niya ang mahirap na kalagayan ng mga taga-Puerto Galera. Dahil sa ipanatupad na lockdown ay wala raw mapagkuhanan ng pagkain ang mga residente doon.
Nakipag-unayan si Willie kay Puerto Galera Mayor Rocky Ilagan at bumili siya ng halos 40 sako ng bigas, noodles, at tubig bilang donasyon. Sa unang araw ng kanilang pamimigay ay tatlong barangay ang kanilang natulungan.
Ani Willie, “Hindi po ito pagpapakitang-gilas… kaya ko 'to pinapaalam sa inyo para ho may mga tao rin sanang katulad natin na gumawa ng paraan.”
Panoorin:
RELATED CONTENT:
Kris Aquino, thankful sa pakikipag-bonding ni Willie Revillame sa kanyang anak na si Josh