Ashley Ortega, namigay ng grocery items sa mga nasa kalsada

Determinado ang GMA Artist Center talent na si Ashley Ortega na tumulong sa mga pinakaapektado sa nararanasan nating COVID-19 pandemic.

Sa Instagram Story ng Kapuso actress, ibinahagi niyang nag-ikot-ikot sila para mamigay ng food packs at grocery items sa mga nadaanan nila sa kalsada.

Marami ngayon ang nagugutom dahil nawalan sila ng kabuhayan dala ng pinapatupad na enhanced community quarantine sa buong Luzon at iba pang lugar sa bansa.

Taos-puso naman ang pasasalamat ni Ashley sa donors na hindi nagdalawang isip na tumulong.

Ashley Ortega hands out ready-to-eat meals to homeless people

Naging transparent din si Ash sa mga nalikom niyang pondo at kung saan niya ito ginamit.

Huling napanood si Ashley Ortega sa primetime series na Sahaya noong 2019.