Bahay ni 'Miss Everything,' sinalanta ng bagyong Ambo
Hindi nakaiwas sa hagupit ng malakas na hangin at ulan ang tahanan ni social media sensation Ericka Camata, a.k.a. Miss Everything dulot ng bagyong Ambo na bumagsak sa ilang parte ng bansa.
Sa Facebook, ipinakita ni Miss Everything ang ilang litrato at video na nagpapakita ng napakalakas na hangin sa kanilang bayan ng Calbayog, Samar.
Sa kabila nito, malaki naman ang pasasalamat ni Ericka na siya at ang kanyang pamilya ay ligtas kahit na nawasak ng bagyo ang kanilang bubong.
Aniya, “Our home. We are safe. No worrying everyone,” na sinundan pa ng heart emojis.
Sa katunayan, nagawa pa niyang gumawa ng isang TikTok video na nagpapakitang sumisigaw at umaarte sa tuktok ng kanilang bahay.
Sigaw niya sa video, “Ibabalik ko ito sa inyo! Ipatitikim ko sa inyo ang impyernong pinatikim ninyo sa akin!”
Sa kasalukuyan, ang video na ito ay mayroon ng 21K likes, 978 comments, at 3.6K shares sa social media site.
Be strong, Miss Everything!