SexBomb Dancers, magkakaroon ng virtual reunion ngayong COVID-19 quarantine

Magkakaron ng virtual reunion ang original SexBomb Dancers para magbigay-aliw sa kanilang fans habang nasa kani-kanilang bahay ngayong panahon ng COVID-19 pandemic.

Kabilang riyan sina Aira Bermudez, Sunshine Garcia, Mia Pangyarihan, Cheche Tolentino, Sandy, Johlan Veluz, Grace Nera, Mae Acosta, Louise Bolton, Jhoana Orbeta, Danica Gulapa, Mhyca Bautista, at Cherry Ann Rufo.

Sa Facebook, nagbigay ng patikim si SexBomb Sunshine tungkol sa kanilang nalalapit na reunion kung saan sasayawin nila ang ilang sexiest dance hits na kanilang pinasikat gaya ng "Angelina," "The Rigga Ding Dong Song," "Chihuahua," "Choopeta," at "I Like."

Sa loob lamang ng ilang oras, nakakuha na agad ng mahigit three million views ang nasabing post.

View this post on Instagram

Get get awww!!! Sexbomb Sexiest Hits!!! Thank you sa effort Sexbomb Dancers ❤ Aira, Sunshine, Mia, Cheche, Johlan, Sandy, Grace, May, Joana, Danica, Louise, Mhyca & Cherry Ann. ❤❤❤ Ito na ang request nyo at kahit nasa kanya kanya kaming bahay at busy sa buhay nakakatuwa na nagawa naming sumayaw ng magkakasama kahit sa video lang! Stay safe everyone and enjoy! Awww! #sexbomb #dancers #Angelina #Riggadingdong #Chihuahua #Choopeta #Ilike

A post shared by Aira Bermudez Inovero (@airabermudez) on May 25, 2020 at 8:34pm PDT

Sa parehong post, nilinaw ni Sunshine na SexBomb dancers lamang ang lalahok sa virtual reunion at hindi kasama ang SexBomb Singers.

"P.S. 'Yung iba wala kasi SB SINGERS sila," sabi niya.

Hindi pa idinetalye kung kailan at saan mapapanood ang virtual reunion ng SexBomb Dancers.

Noong nakaraang buwan, nagkaroon ng two-part reunion sa pamamagitan ng video conference ang SexBomb Singers na sina Rochelle Pangilinan, Jopay Paguia, Izzy Trazona, Yvette Lopez, Weng Ibarra, at Monic Icban.

Isa sa highlight ng kanilang online reunion ang pag-awit nila ng theme song ng Daisy Siete, ang kanilang successful drama anthology na tumakbo ng 26 seasons sa Kapuso network noon.