Kiray Celis claps back at bashers of her sexy photo
Binuweltahan ni Kapuso actress Kiray Celis ang mga basher na pumuna sa kanyang puwet makaraan niyang mag-post ng revealing photo nitong Huwebes, May 28.
Binatikos ng bashers ang tila paglalantad ni Kiray ng kanyang sexiness.
Sa halip na magpaapekto, lalo pang ibinida ni Kiray ang kanyang curvy physique sa social media bilang pagpapakita ng kanyang confidence.
“'Pag sexy, kahit magpakita araw-araw ng dede. Okay lang? 'Pag puwet ko, galit kayo? Korni n'yo!
“Puwet na lang nga malaki sakin. Maliit na nga sa height saka sa boobs, dami niyo pang sinasabi!
“'Di na lang natin i-angat ang isa't isa. Kaya ang daming may kulang sa kumpiyansa sa sarili, e. Kasi imbes na suportahan n'yo, lalaitin n'yo pa,” aniya.
Ipinagtanggol din niya ang mga kababaihan laban sa mga malisyosong kritisismo na bunsod ng pagpo-post o pagsusuot nila ng mga revealing na kasuotan.
“Malaki man o maliit, maitim man o maputi, wala kayong paki kung anong ipo-post ng bawat isa.
“Kung confident sila, bakit hindi? Kung du'n sila masaya, bakit hindi?
“Hindi nila pino-post 'yun para mabastos sila. Pino-post nila yun kasi proud sila!
“Bawal lumabas! Pero hindi bawal maglabas ng puwit!” dagdag pa ng aktres.
Kiray Celis shows off sexy curves in latest summer photo
Samantala, kapansin-pansin ang magandang figure ni Kiray na proud naman niyang ipino-post sa social media.
Marami rin ang nakapansin na naging mas blooming si Kiray mula nang ipakilala niya sa publiko ang non-showbiz boyfriend niyang si Stephan Estopia na proud din naman niyang ibinibida sa kanyang social media accounts.