Thea Tolentino, paboritong eksena ang sampal ni Gladys Reyes
Ibinahagi ng aktres na si Thea Tolentino isa ang beteranang aktres na si Gladys Reyes sa mga iniidolo niya pagdating sa pag-arte.
Mas napatunayan niya ang galing nito nang magkatrabaho sila sa seryeng Madrasta na pinagbibidahan niya kasama sina Arra San Agustin at Juancho Trivino.
Bumisita si Thea sa Wowowin nitong July 10 at ibinahagi niya kay Willie Revillame na isa si Gladys sa mga hinahangaan niyang artista sa industriya. Binanggit din niya ang paborito niyang eksena kasama ito.
“Isa na du'n si Ate Gladys Reyes. May favorite akong eksena naming ni Ate Gladys nitong huli sa Madrasta. Wala kami masyadong dialogue, mata lang sa mata, tapos sinampal niya lang ako. As in puro galit lang.
“Nakulong ako kasi nagnakaw ako ng PhP 90 million. Tapos binisita niya ako sa kulungan tapos akala ko, anak niya 'yung bumista sa 'kin. Tapos pagdating, nakita niya, sampal,” aniya.
Gladys Reyes is Thea Tolentino's kontrabida idol
Samantala, dahil sa pagiging epektibong kontrabida ay natanong naman ni Willie kung nakatatanggap ba siya ng hate mula sa fans ng mga bida na inaapi niya sa mga serye.
“In fairness naman napaghihiwalay nila 'yung…hindi sila nagagalit sa akin as Thea. Nagagalit sila as my character. Tapos at the end of the day, sinasabi nila, 'Kahit naiinis ako sa 'yo sa 'Madrasta,' love pa rin kita,” aniya pa.
Hindi maitatanggi na si Thea ang naging go-to kontrabida actress ng Kapuso network dahil ilang proyekto na rin ang natanggap niya kung saan kontrabida ang kanyang ginampanan.
Panoorin ang buong Wowowin episode na ito: