LJ Reyes, proud of Paolo Contis's Netflix success

Hindi napigilan ni LJ Reyes na ipagmalaki ang kanyang partner na si Paolo Contis matapos maging #1 ang pelikula na Through Night and Day sa trending list in the Philippines ng Netflix.

Saad ni LJ, “Let not this night pass without me posting how proud we are of you!!!

“'Pag pwede ka na tumabi sa amin, panuorin natin ulit pati Ang Pangarap Kong Holdap. 'Di ko kaya ng ako lang!

“I'm so happy that now people will see how good of an actor you are and so much more!

“I'm so grateful to see you become the best of you! And much more grateful that it's unfolding right before my eyes!”

Dagdag pa ng Kapuso actress, ikukuwento niya kaagad ang bagong achievement ni Paolo sa kanilang anak na sina Aki at Baby Summer Ayana pagkagising nila sa sumunod na araw.

“'Pag gising ng mga bata ipapakita ko. Kitang-kita ko na ang magiging reaction nila! Lalo na si Aki!

“Hahaha! Ngayon, pwede na kita gupitan?

“We love you @paolo_contis!”

Number One!

Sa kanyang personal na Instagram din nagpasalamat si Paolo sa mga taga-suporta niya at ng pelikulang Pilipino.

Gamit ang isang screenshot ng kanilang telebisyon na nagpapakita ng kanilang pelikula, isinigaw ng Kapuso comedian ang mga salitang, “Akalain mo yun!

“Salamat po sa inyong lahat! #ThroughNightAndDay #NumberOne”

'Through Night and Day,' number one sa Top 10 Philippines list ng Netflix / Source: paolo_contis (IG)

Ganito rin ang naging sentimyento ng co-star ni Paolo Contis sa pelikula na si Alessandra de Rossi sa Twitter.

Biro ng aktres, “Ay, taray! Never ako nag Top 1 nung elementary. Ito na yata 'yun.”

Ang Through Night and Day ay kuwento ng magkasintahan na nagbakasyon sa Iceland. Dito nasuri nila ang kanilang relasyon dahil unti-unti nilang natutuklasan ang kani-kaniyang mga pagkakamali at kung gaano sila naiiba.

Alessandra de Rossi thanks fans for supporting 'Through Night and Day' after Netflix premiere

Alessandra de Rossi, muntik nang mapaaway sa Iceland while researching for 'Through Night and Day'