Full episodes ng '90s youth-oriented show na 'T.G.I.S.,' mapapanood na online!

Mababalikan n'yo na ang award-winning hit '90s youth-oriented show ng GMA Network na T.G.I.S.!

Umere noong 1995 hanggang 1999, pinagbidahan ang serye nina Bobby Andrews bilang Wacks, Angelu de Leon bilang Peachy, Onemig Bondoc bilang JM, Michael Flores bilang Mickey, Raven Villanueva bilang Cris, at Red Sternberg bilang Kiko.

Dahil sa tagumpay ng show, nagkaroon pa ito ng movie na 'TGIS The Movie,' na ipinalabas noong January 1997.

From TV to big screen ang TGIS Barkada na sina Bobby Andrews, Angelu de Leon, Onemig Bondoc, Michael Flores, Raven Villanueva, Red Sternberg, sa 1997 movie na 'TGIS: The Movie.' / Source: iflix.com

Kamakailan ay nagkaroon ng virtual reunion ang mga bida ng T.G.I.S. kasama ang direktor na si Mark Reyes para ipagdiwang ang kanilang ika-25 anibersaryo.

Dahil hindi sila pwedeng magkita-kita dahil sa community quarantine, virtual reunion muna ang nangyari sa lead stars ng 'TGIS.' / Source: direkmark (IG)

Pumunta lang sa YouTube channel ng GMA Network para mapanood ang full episodes ng TGIS at iba pang Kapuso shows!