JUST IN: Bugoy Cariño at EJ Laure, ipinakilala na si Baby Scarlet

Matapos ang balitang pagbubuntis noong 2018 ng dating team captain ng UST Golden Tigresses na si EJ Laure, courtesy of young actor Bugoy Cariño, wala nang narinig sa parehong kampo matapos itong pabulaanan ng dalawa.

Ngunit kagabi, September 3, ginulat ni Bugoy at ni EJ ang lahat matapos nilang ipakilala sa publiko ang maliit nilang pamilya kasama si Baby Scarlet.

Kasabay ng pagpapakilala ang ika-18 kaarawan ni Bugoy.

IN PHOTOS: Celebrities natsismis na buntis

Sulat ni Bugoy sa kanyang post kalakip ang larawan nilang mag-anak: "Happy to have a family na mahal na mahal ako. Pagsisikapan ko pong itaguyod ang blessing na ito. Thank you for your unending support and I love you both, Mommy EJ and Baby Scarlet!"

Si EJ ay mayroon din pagbati para kay Bugoy kalakip ang video clip kung saan makikita ang mga larawan nilang mag-anak na kuha mula sa binyag at first birthday ni Baby Scarlet.

Sulat ni EJ, "Happy birthday, Mahal, thank you sa lahat ng ginawa at ginagawa mo para sa amin ni baby @iamscarletcarino! We love you so much, daddy!"

Wala pang opisyal na statement mula kina Bugoy at EJ as of this writing.