Mark Herras and Nicole Donesa reveal reason behind delayed pregnancy announcement

Limang buwan nang buntis ang former beauty queen at Kapuso actress na si Nicole Donesa nang ianunsyo nila ito ng kanyang fiance na si Mark Herras sa kanilang YouTube channel.

Ipinaliwanag nina Nicole at Mark na pinili nilang huwag munang isapubiko ang magandang balita dahil sa sensitibong pagbubuntis ng Descendants of the Sun PH star.

Saad ni Nicole, "During this time, it's nice to keep things private muna especially during the very sensitive stages sa 'kin.

"First trimester for me, for the both of us actually, was really hard."

Bahagi ni Mark, hindi nila maiwasang mag-away ng kanyang fiancee dahil sa diet nito.

"Minsan kaya nag-aaway kami madalas, lalo na ngayon na buntis siya, kasi ang tigas ng tulo niya.

"Masyadong kumakain ng maalat, ngayon mahilig siya sa suka. Iba-iba actually.

"Sabi ko, not too much kasi baka mahirapan siyang manganak," kwento ng 33-year-old actor/dancer.

Gayunpaman, very proud naman si Nicole kay Mark bilang soon-to-be parent.

"I'm also really proud of this guy. He's been doing everything he can to prepare to be the dad he's gonna be," ika niya.

Samantala, may panawagan si Mark sa mga mamba-bash sa kanila ni Nicole at sa kanilang magiging anak.

Buwelta niya, "'Wag n'yo kaming gagawan ng isyu or 'wag kayong magsasabi o magsasalita ng kahit anong negative about me and Nicole or our baby kasi papatulan ko kayo. I'm sorry to say, ah."

Sabi pa niya, "I'm sure maraming susuporta sa 'tin basta sa mga bashers, beware.

"Remember, bad boy ako."

Nilinaw din ni Mark na hindi niya papakasalan si Nicole dahil nabuntis niya ito.

"Ico (Nicole) is five months pregnant now pero hindi 'yun 'yung reason kung bakit kami magpapakasal, okay.

"Nilinaw ko na sa mga mamba-bash diyan," diin ni Mark.

Bukod sa banta sa COVID-19, maraming bagay ding ikinonsidera ang Kapuso couple kaya minabuti nilang i-postpone ang kanilang grand wedding.

Bahagi ni Mark, "Unang plano namin is magpa-civil wedding muna but, 'yun nga, dahil nagka-COVID so maraming nagsara.

"May mga requirements from the embassy na kailangan for Ico, e, kasi dual citizen siya. Alam n'yo naman, galing Amerika.

"Tapos pangalawa, 'yung daddy ni Ico is nasa Amerika."

Dugtong pa ni Nicole, "Actually, a lot of important family members aren't here.

"All my cousins, dad, Donesas's side, Rajo's side, siyempre, they have to be here for the big day."