Christian Bautista, nagpakilig sa 'Unang Hirit!'

Timeout muna sa pagiging judge ng reality singing competition na The Clash si Asia's Romantic Balladeer Christian Bautista dahil nagpakilig naman siya ng fans at viewers sa kanyang guesting sa morning talk show Unang Hirit nitong Biyernes, October 30.

Upang sabayan ang malamig na umaga, inawitan ni Christian ang viewers ng bagong kanta niyang “We Are Here” na collaboration project nila ng Indonesian singer na si Delon Thamrin.

Source: xtianbautista (IG)

Ayon sa internationally renowned singer, ang “We Are Here” ay inspired sa COVID-19 pandemic at sa naging epekto nito sa publiko.

Dagdag pa niya, kahit na hinihikayat ang lahat na sundin ang physical distancing, hindi dapat ito maging rason para hindi na makipag-usap o makipag-ugnayan ang publiko sa kanilang mga mahal sa buhay at kaibigan.

“We have to reach out to them. We have to reach out, to call our friends, call our family members. Yes, we're stuck in our houses but it doesn't mean we can't have calls like this or just a simple hi and hello to tell them that we are here for each other.

“The more that this song is shared by many other artists or people, hopefully, more people will feel encouraged to connect and help,” pahayag ni Christian nang makapanayam ng 24 Oras noong July.

Panoorin ang performance ni Asia's Romantic Balladeer Christian Bautista sa Unang Hirit sa video sa itaas.

Kapag 'di naglo-load nang maayos ang video sa itaas, maaari itong mapanood DITO.