Chariz Solomon, taos-pusong nagpasalamat sa security at maintenance personnel na naka-duty habang may bagyo

Nagbigay-pugay si Chariz Solomon sa lahat ng frontliners na naka-duty kahit nanalasa ang Bagyong Ulysses.

Sa Instagram post ng Kapuso comedienne, nagpasalamat siya sa security guards at maintenance personnel sa kanilang village, na tuluy-tuloy ang trabaho kahit masama ang panahon.

Kuwento niya, “Grabe yung mga night shift guards and maintenance namin dito sa village kagabi...

“Nagliliparan mga gamit kagabi sa labas, at nagbabagsakan mga puno pero nasa labas sila natanggal nila in no time yang mga puno na bumagsak at humarang sa kalsada (tinalian na yan ng maayos prior bumagsak parin)”

Pagbibida pa ni Chariz na sobrang maasahan ang mga ito.

“Tapos mas inuna pa nila irelocate mga sasakyan namin sa safe parking spots kaysa sa safety nila

“Salamat sa mga security and maintenance namin na sobrang maaasahan talaga.”

Ineganyo din ng Bubble Gang actress ang lahat na suklian ang kabayanihan ng frontliner na nagbibigay serbisyo sa gitna ng isang bagyo.

Paliwanag niya, “Guys kung meron kayong superhero story kagaya nila manong guards namin, bawi tayo sakanila.

“Alam kong trabaho nila ito pero aminin natin, it takes a really good person to brave a storm like that for other people na ni hindi mo kaano-ano.

“Kindness above all talaga. Thank God for them!”

Base sa weather bulletin ng PAGASA, as of 1 PM, ang mata ng bagyo ay located 140 km West of Iba, Zambales.

Ang Typhoon Ulysses ay may maximum sustained wind of 130 km/h malapit sa gitna at may gustiness na aabot sa 160 km/h.

#OperationBayanihan: Tulong para sa mga victims ng Typhoon Rolly at Ulysses

Kapuso celebrities use social media power to inform the public about Typhoon Ulysses

Super Radyo dzBB anchors, nalungkot sa pinsalang idinulot ng bagyong Ulysses