Jennylyn Mercado, nanawagan ng donasyon para sa mga nasalanta ng Bagyong Ulysses sa Cagayan
Nanawagan si Jennylyn Mercado ng donasyon para sa mga biktima ng Typhoon Ulysses sa Cagayan.
Ayon sa kanyang Facebook post ngayong Miyerkules, November 18, nais punuin ng StarStruck first female Ultimate Survivor ang isang 10-wheeler truck ng relief goods. Ang truck, na tinawag niyang "StarTruck," ay maghahatid ng mga pangunahing pangangailangan ng mga naapektuhan ng bagyo. Nakatakdang bumiyahe patungong Tuguegarao, Cagayan ang truck sa susunod na Biyernes, November 27.
"Bukod sa mismong truck, may hinahanda na kaming 1000 bags of relief goods. Bilang ang laki nito, there's room for more donations," sulat ni Jennylyn.
Sa mga nais mag-donate ng in-kind, maaari itong ipadala sa Litterbucks Cat Cafe ni Jennylyn, na matatagpuan sa 128 Animat Bldg. Maginhawa St. Teacher's Village, Quezon City.
Tumatanggap din ang team ni Jennylyn ng monetary donations na maaaring ipadala sa kanyang GCash account at sa bank account ng cafe ng aktres.
Kaugnay nito, ang kalahati ng kikitain ng Litterbucks ay gagamitin pambili ng essential supplies bilang karagdagang donasyon sa displaced families sa Cagayan bunsod ng bagyo.
Related:
Rocco Nacino assists Navy and Marines in a relief operation in Rodriguez, Rizal
Jasmine Curtis-Smith, personal na nagbigay ng tulong sa mga biktima ng Typhoon Ulysses