'The Romantic Doctor 2,' mapapanood na simula ngayong gabi!

Mapapanood simula ngayong gabi February 8 ang much-awaited multi-awarded South Korean series na The Romantic Doctor 2.

Ang serye ay pinagbibidahan ng renowned actor na si Han Suk-kyu na gaganap bilang si Dr. Daniel Boo o Master Kim, ang hinahangaang doktor ng Doldam Hospital. Tampok din dito ang tambalan ng award-winning actors na sina Ahn Hyo-seop at Lee Sung-kyung.

Gaganap si Ahn Hyo-seop bilang si Dr. Wesly So, ang 2nd year general surgery fellow na mayroong masalimuot na nakaraan. Bukod dito, kinaiinisan din siya ng mga kapwa niya doktor dahil sa pagiging whistleblower niya.

Si Lee Sung-kyung naman ang gaganap sa karakter ni Dr. Emily Cha, ang 2nd year cardiac surgery fellow na determinadong maging matagumpay na doktor. Gayunman, mayroon siyang anxiety/panic disorder sa tuwing magkakaroon ng operasyon.

Bukod sa kanila, may special appearance din dito ang Filipina actress na based sa South Korea, si Cherish Maningat na mahigit isang dekada na ring nakatira sa bansa.

Source: cherish_unni (Instagram)

Ito ay sequel ng seryeng The Romantic Doctor na unang umere sa GMA Network noong 2017.

Abangan ang pagbabalik ni Han Suk-kyu bilang Master Kim at ang award-winning na pagganap nina Ahn Yeo-seop at Lee Sung-kyung sa The Romantic Doctor 2 simula ngayong gabi, February 8, 10:20 p.m., pagkatapos ng My Korean Jagiya sa GMA.

Samantala, kilalanin ang ibang cast ng serye sa gallery na ito: