Aiko Melendez, Maricar de Mesa, nagkaayos na matapos ang anim na taon

Matapos ang anim na taong hindi pag-uusap, nagkaayos na ang long-time friends na sina Aiko Melendez at Maricar de Mesa.

Muli silang nagkasama sa set ng real-life drama anthology na Tadhana at doon na natuldukan ang matagal nilang tampuhan.

Kumusta naman kaya ang kanilang unang pagkikita?

Source: aikomelendez (Instagram), msmaricardemesa (Instagram)

“Natural lang parang dati pa rin siya. Sabi niya lang, 'Mare,' gumanon siya agad kasi kinalabit ko siya kasi nakatalikod siya,” kuwento ni Maricar nang makapanayam ng 24 Oras.

“Ang gaan parang nagkaintindihan kami na tapos na, that's it. Parang nag-heal lahat,” dagdag pa niya.

Hindi naman na inilahad ng dalawa kung ano ang pinag-ugatan ng kanilang 'di pagkakaunawaan.

“We didn't have to talk about what happened.

“Siguro ganun talaga 'pag real friendship na wala nang usapan kung ano 'yung mga pinagkasamaan n'yo ng loob basta ang importante maayos kayo and then you're there for each other,” sabi ni Aiko.

Sa social media unang ibinahagi ni Maricar ang reunion nila ng kaibigang si Aiko.

Aniya, “After years of silence, 'Tadhana' brought our friendship back. #ingodsperfecttime”

Nag-comment dito si Aiko at aniya, “Miss you mare. God's will and strong friendships will never ever be broken. I'm happy that we are ok and pls know this time no more goodbye ah. We will be here for each other no matter what. Love you.”

Nag-post din sa Instagram si Aiko at masaya nitong ibinahagi na “fate” ang muling pagkikita nila.

Post niya, “Part of not being depressed is keeping myself busy... It was by fate 'Tadhana' that led me to work with Maricar De Mesa who is a long-time family friend.

Nagpasalamat din siya sa Kapuso network sa pagkakataong maging bahagi ng bagong episode ng programa.

“Maraming Salamat po to my Kapuso Network and 'Tadhana' for guesting me. First time to guest in this show and napasabak kami sa matinding drama. Ang ganda ng kwento pa. Mapapanuod nyo po ito sa March 6 and 13 :) This is the show hosted by Marian Rivera sana next maka work ko na sya. Thank you Lord Jesus for the blessing,” dagdag pa niya.

https://www.gmanetwork.com/news/video/24oras/555166/heart-dream-project-ang-series-na-i-left-my-heart-in-sorsogon-kasama-si-richard-yap/video/

Nagkomento naman dito si Maricar ng, “Family will always be family.”

Panooring ang buong 24 Oras report dito: