Beauty Gonzalez, gustong subukan ang hosting at comedy

Mas gusto daw ipakita ng aktres na si Beauty Gonzalez ang pagiging versatile ngayong bagong pirma siya sa GMA Network.

Bukod sa mga dekalidad na drama, nais daw niyang subukan ang hosting at comedy.

"Hosting po, 'yan po yung isa sa mga pangarap ko, 'yung mag-host. And also comedy--hindi kaya alam ng karamihan na may comedic rhythm din ako. I'm excited. I wanna try that also. Of course, handa naman akong makipagsampalan sa mga Kapuso artists diyan. I'm so happy and excited," pahayag niya sa isang virtual event.

Open din daw siyang sumubok ng iba't ibang genre.

"They asked me kanina, what can I do? Sabi ko, 'I can do everything.' Yeah, baril barilan na rin. Pwedeng sampalan, suntukan. Excited ako," lahad ng aktres.

"Ang hindi ko lang kaya talaga 'yung kumanta. Baka katapusan na ng career ko 'yun. 'Yun lang. Kaya ko naman kumanta pero mga five hours na recording, mga word per word," biro ni Beuaty.

Lubos siyang nagpapasalamat para sa pagkakataong maibahagi ang mga talento niya.

"I'm so blessed na I get to do this job and I still get to continue it. It's a talent din. It's a wonderful gift that you can tell other people stories in movies, in shows. I'm very lucky and thankful to GMA for continuing my career growth with them, for giving me this opportunity. Sobrang thankful talaga ako," sambit ni Beauty.

Bago siya lumipat ng home network, una muna niyang kinonsulta ang kanyang mister na si Normal Crisologo, isang art curator.

"He's very happy because change is good. He always tells me to follow my heart, follow my gut feeling, use my brain. He just made it so easy for me to decide. I'm very happy kasi he's very supportive with my decision," kuwento ni Beauty.

Pumira ng kontrata si Beauty sa GMA Network noong June 11. Nakatakda siyang bumida sa isang romantic drama mini-series na pinamagatang Loving Miss Bridgette.

Samantala, mas kilalanin pa si Beauty sa gallery na ito: