Kylie Padilla, may pinaghahandaang bagong proyekto

Mayroong bagong pinaghahandaang proyekto si dating Encantadia star Kylie Padilla sa ilalim ng Rein Entertainment.

Ipinaalam ng aktres ang kanyang bagong proyekto sa kanyang followers sa pamamagitan ng mga larawan sa Instagram. Makikita sa isang litrato ang aktres na nakaupo sa ibabaw ng isang 4x4 na sasakyan.

"Bye muna real world," pagbabahagi ni Kylie at sinamahan ng hashtag #BETCIN.

Sinundan pa ito ni Kylie ng panibagong selfie post kung saan ay naka-tag naman ang Rein Entertainment.

Noong nakaraang buwan, nag-post ang aktres ng script booklet kung saan makikita ang dalawang babae na magkahawak ng kamay.

"A whole lot of [cat emoji]," caption ng aktres na ginamitan din ng hashtag #BETCIN.

Samantala, kamakailan lamang nang kumpirmahin ni Kylie na hiwalay na sila ni Aljur Abrenica at parehas na sumang-ayon sa co-parenting set-up para sa kanilang dalawang anak na sina Alas Joaquin at Axl Romeo.

Kasalukuyang na kay Kylie ang kanilang dalawang anak at naghahanda na rin sila sa paglipat sa kanilang bagong bahay.

Balikan ang relationship timeline nina Kylie at Aljur sa gallery na ito: