LOOK: Bea Alonzo gives Dominic Roque a back hug

Una nang nakitang magkahawak ng kamay si bagong Kapuso Bea Alonzo at rumored boyfriend niyang si Dominic Roque noong July 20 sa 31st birthday celebration ng huli na ibinahagi sa Instagram ni Raniel Resuello.

Sa unang pagkakataon, ibinahagi ni Dominic sa Instagram ang sweet photo nila ni Bea kung saan nakayakap ang aktres sa kanyang likuran. Makikitang hawak-hawak din ni Dominic ang mga kamay ni Bea habang kasama ang kanilang mga kaibigan sa AutoCamp Yosemite.

"Yosemite crew. #TsongWorldwide," caption ni Dominic.

Habang isinusulat ang istoryang ito, mayroon ng mahigit 246,000 likes at 14,000 comments ang post na ito ni Dominic.

"It's the shoes and the back hugs for me," pagsuporta ni @pattyphysiology.

"UNG PUSO KO UTANG NA LOOB," biro naman ni @chloeccollings.

"Girlfriend reveal yarn," tanong ni @klariedimaculangan.

"Please take care of Bea, Dom. Alam natin pinagdaanan n'ya. You must have been so special, for her to open her heart, to love and trust again. Thank you for making her happy. I wish you both well," pagpapaalala ni @annethrowbacks.

"Seeing you makes my heart happy Dominic Roque and Bea Alonzo. Enjoy love birds. God bless you both. Stay in love. More travels to come," pagbati ni @quisquirinfarah.

Pumunta sa Los Angeles noong July 9 si Bea para makapagbakasyon bago sumabak sa trabaho bilang Kapuso. Marami ang nakapansin na nasa Amerika rin ang rumored boyfriend nitong si Dominic dahil sa parehong lugar sa ibinabahaging Instagram posts at stories. Ngayon, kumpirmadong magkasama ang dalawa.

Samantala, tingnan sa gallery na ito ang sweetest photos nina Bea Alonzo at Dominic Roque: