Tambalang Kylie Padilla-Andrea Torres sa 'BetCin,' mapapanood na sa October 15

Mapapanood na sa October 15 ang proyektong pinagbibidahan nina Kylie Padilla at Andrea Torres, ang BetCin.Inside link:

Sa Instagram, ibinahagi ni Andrea ang petsa at larawan nila ni Kylie kung saan kapwa nakasuot ng pangkasal.

"October 15! Save the date," caption ni Andrea, na may kasamang heart emoji.

Ibinahagi rin ni Kylie ang kaparehong larawan at sinabing, "Yes we did that... October 15 na!"

Maraming netizens na rin ang excited na makita ang tambalang Kylie at Andrea.

"Kayong dalawa. 'Di namin kinakaya ang kilig at saya! See you on October 15. Lovely Couple," pagbabahagi ni @_anlie2021.

"You two please, nagwawala na ako rito sa KILIG!" sulat ni @rhichieee.

"Sa wakas, malapit na!" dagdag ni @mahal_lee.

"Oppss kinilig naman ako rito," sabi ni @catherine.tajanlangit.

"Excited here... ang tagal namin hinintay 'to!" sulat ni @borgejaujohn.

Gaganap bilang lesbian couple sina Kylie at Andrea sa BetCin. Gagampanan dito ni Kylie ang karakter ni Beth. Bibigyang buhay naman ni Andrea ang karakter niyang si Cindy.

Samantala, mapapanood si Kylie sa GMA Afternoon Prime na The Good Daughter, habang si Andrea naman sa GMA Telebabad na Legal Wives.

Tingnan sa gallery na ito ang sweet moments nina Kylie Padilla at Andrea Torres: