Kris Bernal, todo bigay sa sariling bersyon ng 'Ang hirap kumita ng pera' challenge
Kinagigiliwan ngayon ng netizens ang kakulitan ni Kris Bernal na todo bigay sa pagkanta ng hit song ni Sia na "Chandelier" habang inaalis ang kanyang makeup.
Sa Instagram, ibinahagi ni Kris kung gaano kahirap at katagal ang ginagawang preparasyon para sa makeup at damit ng karakter niyang si Klaire Almazan sa GMA upcoming series na Artikulo 247.
Ani ni Kris sa one-minute video na ibinahagi, "My version of 'Ang hirap kumita ng pera.'"
"It takes me [two to three] hours to create my character Klaire Almazan for [Artikulo 247]. My call time is always hours ahead of the rest of the cast. Aside from constantly dressed in a glam dress and high heels, my hair is covered with strong hold spray nets, makeup is dark and thick, and contact lenses are worn all day," pagbabahagi ni Kris.
Ayon kay Kris, kung minsan hindi rin daw naiiwasan na magkaroon siya ng pasa dahil sa palabang karakter niya sa Artikulo 247.
"And, when emotions get too high, I end up bruising myself. What's more difficult? When your personality is all sugar and spice, it's harder to act bitchy. Teka, sino bang kaaway ko!" dagdag niya.
Narito ang ilan sa mga komentong natanggap ni Kris mula sa netizens.
"Ang cute, still so beautiful kahit anong ayos," pagsuporta ni @cest_moigracestyle.
"When it comes to bitchy roles, hands up ako sa 'yo mars," pagbabahagi ni @liyah_corpus.
"Ang kulit hahaha!" sabi ni @lemsfabila.
"Hahaha! Palaban, ganda," dagdag ni @javieabis.
Ipinarating din ng aktres ang pananabik niya na maipakilala sa lahat si Klaire Almazan ng Artikulo 247, na malapit nang mapanood sa GMA Afternoon Prime.
Samantala, mas kilalanin pa si Kris Bernal sa gallery na ito: