Benjamin Alves stays a Kapuso!

Halos isang dekada ng Kapuso ang aktor na si Benjamin Alves na itinuturing ngayon na isa sa pinakamahusay na artista ng kaniyang henerasyon. Sa kaniyang muling pagpirma ng kontrata sa GMA Artist Center kamakailan, nagpasalamat ang aktor sa patuloy na pagtitiwala at suporta na ibinibigay sa kaniya ng kaniyang home network.

Present sa kaniyang naging virtual signing ceremony ang ilan sa GMA Executives gaya nina Senior Vice President for GMA Entertainment Group Lilybeth G. Rasonable at Senior Assistant Vice President for Alternative Productions Gigi Santiago-Lara.

Sa isinagawang internal press interview kay Benjamin, sinabi niya na excited na siya na maipakita pa ang kaniyang galing at talento sa pag-arte.

"I'm excited to show more, share more of myself, and I'm very thankful for everyone," aniya.

Dagdag pa niya, "It makes me proud because when you give yourself wholeheartedly to your craft, to the network, especially the people that you've work with, yung mga Kapuso natin here and abroad, these became the reward...years of being together, years of being able to fulfill my dreams."

Nagpahayag naman ng pagbati kay Benjamin ang kaniyang kaibigan at To Have and to Hold star na si Rocco Nacino.

Pagbati ni Rocco, "Bro, you know I'm one of those guys who is always proud of you. Isa ka sa pinakamatalino sa ating lahat kaya nakakatuwa na makita na nag-renew sa GMA Artist Center and I can't wait to see you slay all your roles and your future projects. Again congratulations, I'm always rooting for you."

Bukod kay Rocco, nagbigay din ng suporta at pagbati ang co-stars ni Benjamin sa upcoming GMA Afternoon Prime series na Artikulo 247 na sina Rhian Ramos, Kris Bernal, at Mark Herras.

Sa ngayon, nakatutok daw si Benjamin sa pagpapasaya at pagbibigay inspirasyon sa kaniyang mga tagahanga.

Congratulations, Benjamin!