Sa isang meet and greet event ay pormal nang isinapubliko ang mga bagong GMA Artist Center talents na dapat abangan ngayong 2018.
Nitong March 22 ay pormal nang ipinakilala ang mga bagong GMA Artist Center talents na dapat abangan ngayong 2018. Ginanap ang meet and greet sa GMA Network Center.
Ang grupo nina Joshua Bulot, Bryan del Rosario, at Kim Ordonio na mas kilala bilang JBK ay isa na sa mga Kapuso performers na dapat subaybayan. Ang JBK ay sumikat sa kanilang stint sa 'X-Factor UK.'
Mula sa 'That's My Bae' at 'Trops' si Shaira Diaz ay magpapakita ng iba pa niyang talento sa kanyang future projects sa Kapuso Network.
From commercial model ay isa nang Kapuso hunk si Joaquin Manansala. Abangan kung saang Kapuso program magpapakilig si Joaquin.
Mas maraming kuwelang projects ang ating masasaksihan ngayong isa nang ganap na Kapuso si Donita Nose.
Ang half-Filipina at half-British na si Kelley Day ay isa na sa mga beautiful faces of GMA. Siya ay kasalukuyang napapanood sa 'The One That Got Away.'
Excited umano si Patricia Tumulak sa kanyang bagong mundong tatahakin bilang isang Kapuso star.
Hindi makabitiw ang mga loyal viewers ng 'Kambal, Karibal' kung saan napapanood si Kyline Alcantara. Si Kyline ay isa sa mga former Kapamilya stars na lumipat sa Kapuso Network.