Around GMA

Article Inside Page

"Tatay" na kung ituring ni Ice Seguerra ang award-winning TV host at comedy icon na si Vic Sotto.

Mula nang sumali sa "Little Miss Philippines" ng Eat Bulaga noong 1987 kung saan tatlong taong gulang pa lamang siya hanggang sa ika-35 taong anibersaryo sa showbiz, nananatiling maganda ang relasyon ni Ice kay Vic.

"Si Bossing kasi iba 'yung relationship namin. I mean, amongst the other two-- Tito Joey [De Leon] and Tito [Sotto]--si Tito Vic talaga, our relationship went beyond. Kasi dumating na kami sa point na 'di ba normally kapag Saturdays [and] Sundays nasa kanya kids niya, nakikisama ako roon sa mga bata. Nakikitulog din ako as a kid niya. So talaga lumalim 'yung relationship namin," kuwento ni Ice sa podcast na "Surprise Guest with Pia Arcangel."

Ayon kay Ice, malaki ang paghanga at respeto niya kay Vic dahil sa kabila ng kasikatan nito ay aniya nananatili itong mapagkumbaba.

"Hindi siya ma-words of wisdom, mabiro siya. Tito Vic is the type of person that I don't think he needs to say 'yung mga words of wisdom niya for me to look up to him because just in the life that he's lived may example siya e.

"Until now despite the fame and this iconic status that he has his remain well the most humble people in the business. Hindi naman siya tatagal ng ganito katagal sa industry if hindi siya ganoon," sabi ni Ice.

Samantala, isa si Vic sa special guests ni Ice para sa kanyang upcoming 35th anniversary concert na may temang "Becoming Ice" na gaganapin ngayong October 15 sa The Theatre at Solaire.

TINGNAN ANG INSPIRING SHOWBIZ CAREER NI VIC SOTTO SA GALLERY NA ITO: