Julie Anne San Jose to Rayver Cruz: 'I love you, too'

Niyanig ni Julie Anne San Jose ang Newport Performing Arts Theater nang sabihan na niya nang "I love you, too" si Rayver Cruz.

Nagperform sila Julie Anne at Rayver, o JulieVer sa kanilang mga fans, sa kauna-unahan nilang concert together na 'JulieVerse' nitong Sabado.

Habang nasa stage ay inihayag muli ni Rayver ang kanyang nararamdaman para kay Julie Anne.

"Naalala mo 'nung birthday mo, sinabi ko naman sa'yo kung anong nararamdaman ko... gusto ko lang din iparinig sa kanila, Julie Anne San Jose, I love you. I love you so much."

Kilalang masugid na manliligaw ni Julie Anne si Rayver at ilang beses na rin niyang isinapubliko ang nararamdaman para sa dalaga.

Ngunit ikinagulat at ikinakilig nang mga fans ang naging sagot ni Julie Anne.

"Ang dami nang nagbago sa buhay ko simula nang dumating ka kaya gusto kong sabihin, I love you too," ani ni Julie Anne na siyang ikinasaya ng fans ng JulieVer.

Sinabi rin ni Julie Anne na "sobrang grateful" siya na dumating sa buhay niya si Rayver.

Pinakilig nila Julie Anne at Rayver ang kanilang mga fans sa mga performances nila sa 'JulieVerse' concert na naganap nitong Sabado.

SAMANTALA, TIGNAN ANG NAGING REHEARSALS NILA PARA SA 'JULIEVERSE' SA GALLERY NA ITO: