Pokwang, bumuwelta sa bumatikos sa kanyang pagkakawanggawa
Around GMA
Around GMA
Saksi Livestream: April 24, 2026 2 Lalaki Angol Human Madisgrasya sa kurbadahong Karsada sa Balamban | Balitang Bisdak RIEHATA, SB19 to collaborate on a special dance performanceArticle Inside Page
Showbiz News
Niresbakan ni Pokwang ang bashers na pumuna sa kanyang pagkakawanggawa.
Nakatanggap pa rin ng pambabatikos ang ginawang pagmamalasakit ng aktres at komedyanteng si Marietta Subong o mas kilala sa tawag na Pokwang sa mga pulis at sundalo na naka-duty sa mga checkpoint ng Metro Manila nitong Lunes, March 16.
Ginawa niya ang pagtulong sa pamamagitan ng pamimigay ng sandwiches na siya mismo ang gumawa.
Bukod dito, sinabi rin ni Pokwang na mag-aabot din siya ng tulong sa mga health worker at ibang frontliners na patuloy na nagseserbisyo sa banta ng 2019 coronavirus disease (COVID-19) sa bansa.
Nitong Martes, March 17, pagre-repack naman ng bigas at mga pagkain gaya ng canned goods ang pinagkaabalahan ng aktres.
Aniya, ito ay para naman sa mga kababayan nating kapus-palad na nahihirapang mag-impok ng pagkain na tatagal ng isang buwan hanggang sa matapos ang enhanced community quarantine na ipinatupad sa buong Luzon simula March 17.
“Sa mga friends ko wala muna video call at group chat. Busy ako mag-repack. Wait lang po para sa mga nasa bahay na alam nating kahit gusto nilang magtabi para sa lockdown e, wala naman ipangtatabing pagkain. Kapit lang ha, matatapos din ito,” aniya.
Ngunit sa kabilang ng lahat ng ito, nakatanggap pa rin ng pambabatikos ang komedyante mula sa netizens.
Hindi nagpatinag at galit na binuweltahan ni Pokwang ang bashers sa Instagram.
Aniya, “READ THIS MGA ANIMAL! NAIIYAK AKO SA GALIT SA INYO! SA GANITO PA TALAGANG PANAHON? HAA? SA GANITONG PANAHON MGA KAMPON NG BASHERS NA SATANAS? NGAYON PA TALAGA? HINDI ITO ANG TAMANG ORAS!”
Sa hiwalay na post nitong Miyerkules, March 18, muli niyang pinatutsadahan ang bashers sa pamamagitan ng pagpo-post ng video kung saan makikitang tinatanggap ng mga nangangailangan ang mga nirepake niyang bigas.
Kasalukuyang sumasailalim ang buong Luzon sa enhanced community quarantine para mapigilan ang pagkalat ng COVID-19
Kabilang sa mga regulasyong kaakibat nito ay ang pagsasara ng mga establisimyento, pagsuspinde ng klase at trabaho, pagbabawal sa paglabas at pagpasok sa Metro Manila at mga kalapit na lugar, at istriktong pagpapatupad ng home quarantine.
Marami ang apektado ng kautusan kaya ilang personalidad na rin ang gumawa ng mga hakbang para magbigay-ayuda sa mga nangangailangan.
TINGNAN: Pinoy celebrities, pinairal ang bayanihan sa gitna ng COVID-19
Pokwang remembers late Chokoleit one year after his death
'Mission Unstapabol' actress Pokwang, di napigilan ang galit sa komentong "cheap comedy"
