Ang pagkakaroon ng isang anak ay isa sa pinakamagandang gantimpala na matatanggap ng isang ama sa kanyang buhay. Kahit na stressful paminsan-minsan ang pagiging isang ama, nakatutuwa ring makita ang ilang celebrities na ginagampanan ang kanilang role bilang isang magulang.
Tulad na lamang nina Piolo Pascual, Jericho Rosales, Mark Herras, at Richard Gutierrez, na naging ama bago o habang nasa kasagsagan ng kanilang showbiz careers.
Tulad ng ilang tatay, natutunan din nila na maging mapag-alagang ama sa kanilang mga anak at nagawa pang balansehin ang kanilang career bilang public figures.
Hindi man sila handa maging magulang noon, nagawa din ng ilan na mag-step up sa kanilang mga anak sa pamamagitan ng pagbibigay suporta sa kanilang mga nobya (o asawa) at naging isang kahanga-hangang ama.
Tingnan ang ilang male celebrities na nakabuntis ng kanilang celebrity o non-showbiz girlfirends sa gallery na ito.
Si Paulo Avelino ang ama ng anak ni LJ Reyes na si Ethan Akio o Aki. Taong 2013 nila tinapos ang kanilang relasyon.
Nagbunga ang relasyon nina Patrick Garcia at Jennylyn Mercado ng isang lalaking anak, si Alex Jazz.
Matagal bago inamin ni Dennis Trillo na siya ang ama ng sanggol na ipinanganak ni beauty queen Carlene Aguilar sa Amerika.
20 years old pa lamang daw si Piolo Pascual nang mabuntis niya ang girlfriend na si Donnabelle Lazaro. Ang anak nilang si Iñigo ay isa na ring aktor ngayon.
Ang aktor na si Jericho Rosales ay may anak kay Kai Palmores, si Santino.
Ilang beses itinanggi ni Mark Herras na may anak na siya, pero inamin niya rin ito kalaunan. Ang kanyang anak ay si Ada Sofia Nicolette Herras.
Hindi man magkasama, maayos ang relasyon ni Joko Diaz sa panganay niyang si Maria Louise Nicole. Anak niya ito sa ex-girlfriend na si Angelu de Leon.
Sa reality show ng kanyang pamilya, inanunsyo ni Richard Gutierrez na may anak na sila ng girlfriend na si Sarah Lahbati, si Zion.
Si Bossing Vic Sotto ang ama nina Danica, Oyo, Vico at Paulina. 19 years old pa lamang si Dina Bonnevie nang mabuntis siya ng ka-love team na si Vic, at ang sanggol na ito ay si Danica. Anak naman ni Vic si Vico kay Coney Reyes, habang ang ina ni Paulina ay si Angela Luz.
Si Keira Claire ay anak ni Paolo Ballesteros sa ex-girlfriend niyang si Katrina Nevada.
Co-parenting ang setup ni John Lloyd Cruz at ng kanyang ex-partner na si Ellen Adarna para sa kanilang anak na si Elias Modesto. Ipinanganak si Elias noong June 2018.
Noong 2020, kinumpirma ni Bugoy Cariño na isa na syang ama sa anak niya sa volleyball player na si EJ Laure.
Ipinakilala ni Markus Paterson ang kanyang anak na si Jude Trevor Paterson sa publiko sa pamamagitan ng isang vlog. Si Baby Jude ang anak ni Markus sa kanyang nobyang si Janella Salvador.
Isang ama na rin si race car driver Daniel Miranda sa kanyang anak na si Zoe. Si Baby Zoe ang anak ni Daniel kay Sofia Andres.
Noong January 20, 2021, ibinahagi ni Kapuso actor Kristoffer Martin na siya ay isang ama sa kanyang four-year-old daughter na si Precious Christine or “Prè.” Ani Kristoffer, isang open secret ang kanyang anak sa kanyang showbiz friends at sinabing hindi siya naging absentee father. Kuwento niya kay Nelson Canlas sa '24 Oras,' “I have Prè and I love my daughter. I really love my daughter. I miss her every day. When I call her, I always tell her, 'Daddy misses you every day. Daddy loves you so much.'”
Taong 2018 inamin ni Kapuso actor at 'StarStruck' alum Dion Ignacio na mayroon na siyang anak sa kanyang non-showbiz partner. Kasalukuyang inaalagaan nina Dion Ignacio at ng kanyang partner ang kanilang anak na si Dylanne Jailee.
21 years old lamang si Jake Ejercito ng siya'y maging ama kay Ellie, kanyang anak sa dati niyang girlfriend na si Andi Eigenmann.
Ang kambal na sina Sebastian at Santiago ay anak ni Marvin Agustin sa pagkabinata sa kanyang dating nobyan si Tetet Dy.