PANOORIN: Dante Gulapa moves ni Jak Roberto, aprubado kaya ni Barbie Forteza?

Ipinakita ni Jak Roberto sa girlfriend niyang si Barbie Forteza ang natutunan niyang dance moves mula sa “Big Papa” ng social media na si Dante Gulapa.

Sa Instagram post ni Barbie kanina, March 22, makikita na tuwang-tuwa ang Kara Mia actress habang sinasayawan siya ng kaniyang boyfriend.

“Salamat sa pagdalaw sa batang may sakit. Muntik gumaling ang ubo ko sa sayaw mo.

“Papanoorin ko talaga to bukas sa Magpakailanman! Great job, mahal ko!” sabi ni Barbie sa caption ng video na kaniyang ibinahagi sa kaniyang followers.

Si Jak ang gaganap bilang Dante Gulapa sa istoryang tampok sa Magpakailanman, na pinamagatang “Viral Macho Dancer,”na mapapanood bukas, March 23.

Sa katunayan, bilang paghahanda, personal pa siyang tinuruan ng kasalukuyang online sensation ng kaniyang personal dance moves.

IN PHOTOS: Ang kuwento ng buhay ni Dante Gulapa sa 'Magpakailanman'